أخواني وأخواتي منتديات المفارجه
السلام عليكم ورحمة الله وبركاته
أهنئكم على الموقع الجديد ويتبارك ان شاء الله بدخول الشهر الفضيل
أخواني شدني العنوان لأنه مرتبط بديرتي العيون والمفارجه أهلي وربعي وعزوتي ، وأهل العيون معروفين بنخوتهم للقريب والبعيد والفزعه تسري في دمهم إلى الآن لكل من ينخاهم على فعل الخير ، ومرضاة الله وطاعة الرسول وطاعة ولي الأمر .
حبيت أن أشارك في منتديات المفارجة بموضوع القوع
كثير من الشباب يسمع بالقوع ولا يعرف عنه شيء .
فماهو القوع ؟
القوع هو مكان تجمع والتقاء أهل العيون في المناسبات والأفراح والأعياد ، وفيه تقام العرضة في العيدين ، وسمي القوع لأنه أرضه قاع أو صفاة صلبة .
أين يقع القوع ؟
موقع القوع الآن في سوق الديرة .
الشاعر سعود الكويتي يذكر القوع ، فماذا قال ؟
يقول الشاعر القدير سعود الكويتي :
ياقـوع والله ان أغني فيك ياقوع *** وا ون لين الصبح يبدي شعاعه
وان قيل لي وش علامك قلت مفجوع *** وخذت ما احدن فزع لي ياجماعه
قالو ا من اللي خذاك بغير مشروع *** من هو ابننشده وش طولة اذراعه
إلى آخر القصيدة .
وتابعوا مو ضوعنا القادم مع تراث المفارجه.